My Afrikaanse goed : My hart kom affie plaas...

Haai, my naam is Maree en ek woon op 'n 8.5ha kleinhoewe, my stukkie Afrika-aarde in Tarlton, Suid Afrika, saam met my wederhelf, verskeie geveerde vriende en Jacko, my Foxterrier x wat nie weet hy's 'n hond nie.

Ek het lankal geleer dat 'n mens jouself moet wees - na-apery is selfmoord en buitendien, wie is beter of meer interessant as jy self? Ek weet ook dat vir alles is daar 'n teenoorgestelde - binne/buite, bo/onder, wit/swart, negatief/positief en ek het ook al geleer dat 'n mens 'n keuse het en dat daar niks is wat jy ''moet'' doen nie - die ding is net om 'n besluit te neem en dit dan te DOEN. My groot voorliefdes is kuns, diere (veral voëls), die natuur, tuinwerk, die kus, skryf, spoelklippe, kerse, die kleur Oranje, Herfs, Lente, Somer, Winter, rekenaartegnologie, my MAC, kristalle, mense, my Land Rover en die Heelal.

Die toekoms hou wonderlike dinge in vir die mensdom - laat ons dit met vreugde ontvang!

Saturday, 21 October 2017

My hart kom affie plaas...

W&N waterverf op Bockingford 300gsm

’n Plaaspad in Tarlton (Gauteng, Suid Africa)

My hart kom affie plaas
daar waar die wind…
en die son…
en die stilte
my speelmaats was
~ Frede Schoeman

Bloedrooi die alwyn langs
die slingerpad.
Dis of daar vonke uit
elk vuurpyl spat.
Maar niks, niks roer nie… net
‘n luggie wat
skrams aan die ritselende
grassade vat.

Daarbo die blou, blou lug,
daaronder die rivier
wat deur die boorde kronkel met
‘n groene swier.
Niks stoor die yle swewende
bergstilte hier.

Na al die jare maak ek weer
‘n plaashek oop.
Waar het my paaie
tog nie geloop
om my hier by ‘n hek te bring
van al my waan gestroop,
maar met my denke helder
en in my hart die hoop?

Die hek staan in die skad’wee van
‘n kremetart.
Die stilte in my’s volkome met
niks troebels, niks verward.
Ek lig die knip… Ek maak
‘n hek oop in my hart.
- Plaashek -Uys Krige

Word die leier wat jy die graagste sal wil volg. Word jy die ouer wat jy die graagste sal wil hê.

Mag die son altyd op jou vensterbank skyn. Mag 'n reenboog elke keer jou trane laat verdwyn.

Ons is gebore om saam te wees - 'n enkele blaar se skaduwee is nie genoeg nie.

Moenie ontsteld raak deur mense of situasies nie: Beide is skadeloos sonder jou reaksie

Om 'n kompliment van iemand te kry, is om jouself deur iemand anders se oe te sien. (in Afrikaanse Goed)

Jou keuses verander jou lewe

As die trein nie op jou stasie stop nie, is daai trein nie vir jou bedoel nie.

Moet nooit jou drome van more bou met die skerwe van gister se seer nie

'n Mens word soos die vriende wat jy aanhang.

Skoonheid is dit wat jou vreugde gee!

Die wêreld wag vir jou idees om te ontwaak!

Mag liefde jou lewe vul en al jou môres oorloop van vreugde. Mag vrede jou hunkering stil en jy altyd iets vind vir jou hande se deugde.

Twintig maniere om ‘n hoë vlak van geestesongesondheid te handhaaf:

Sit oor jou etensuur met ‘n donkerbril op in jou motor en mik met ‘n haardroër na die aankomende verkeer. Kyk of hulle stadiger ry.

Roep jouself oor die interkom sonder om jou stem te vermom.

Elke keer as jou baas jou vra om iets te doen, vra of hy skyfies daarmee saam wil hê.

Vervang die filterkoffie in die koffiepot vir drie weke met ‘decaf.’ Sodra jou kollegas oor hulle kaffeienverslawing is, hervul die pot met espresso.

Begin al jou sinne met ‘in ooreenstemming met die profesie.’

Moenie loop nie. Huppel.

Vra vir mense wat hulle geslag is. Lag histeries sodra hulle antwoord.

Sing kliphard saam by opera-uitvoerings.

Span ‘n muskietnet om jou werksarea en speel die hele dag CD’s met tropiese woudgeluide.

Wanneer jy geld by die OTM trek en dit word uitgereik, skree, “Ek het gewen! Ek het gewen!”

Woon ‘n poësie-aand by en vra na elke voordrag waarom die gedigte nie rym nie.

Laat weet jou gasheer vyf dae voor die partytjie dat jy nie meer kom nie, want jy is nie in die regte bui nie.

Sê tydens aandete vir jou kinders dat jy weens ekonomiese redes een van hulle moet laat gaan.

Pages

Saturday, 21 October 2017

My hart kom affie plaas...

Lied van die natuur